ASTEKLIMA

Esan dizuegun bezala, ASTEKLIMA ekimenak trantsizio energetikoaren eta klimatikoaren inguruan kontzientziatu nahi du. Ekimen horren barruan, eta udalak antolatuta, birziklatzeari buruzko tailerra eskaini zieten Lehen Hezkuntzako 6. mailako ikasleei.

Sortzen ditugun hondakinei eta horiekin egin beharreko kudeaketari buruzko datu batzuk eman ondoren, ariketa praktikoak egin ziren. Alde batetik, zuzeneko birziklapena egiten saiatu ziren, hainbat hondakinetatik abiatuta, eta, bestetik, "Zabor" tzat jotzen ditugun material batzuk eskulan ikusgarriak egiteko erabilgarriak izan daitezkeela ikusi zuten, adibidez, tetrabik batetik zorro bitxi bat sortuz.