Funtzionamendua

JANTOKI EREDUA

Aresketa Ikastolak sukalde propioa du. Kudeaketa, Batzorde Eragilearen eta Zuzendaritzaren menpe dago eta zerbitzua emateaz Jomabi Txokoa izeneko enpresa arduratzen da. Zerbitzu honen barruan begiraleak, ikastolak kontratatutako langileak alegia, sartzen dira, euren zeregina zaintza eta arreta hurbila ematea izanik.

2018an gurasoen eta gizartean orokorrean elikaduraren inguruan piztutako kezkari erantzuna emateko asmoz, Ikastolan jantokiko eredu berrirako urratsak ematen hasi ginen. Kataluniako Nani Moré, sukaldaria eta eredu berrietan aditua, gurekin aholkularitza lanetan aritu, sukaldarien prestakuntza saioak burutu eta begiraleen formakuntzari ere arreta berezia jarri eta gero 2019ko irailean lehen aldiz estreinatu genuen eredu berrira egokitutako menuak eskainiz. Aurreko lan guztiari esker, gaur egun, bataz beste, 300 bat menu ematen ditugu egunero.

GURE MENUAK

Eskaintzen ditugun menuak bertoko produktuak eta garaiko produktuak erabiliz osatzen ditugu. Gure dieta mediterraneoa da, hau da, barazki freskoak eta garaikoak, lekaleak eta zerealak (anitzak) eta animalien proteina neurri egokian kontsumitzean datzana. Honi esker, gure ikasleen elikadura osasuntsua izateaz gain, inguruarekiko dugun gure ardura erakusten dugu.

* Gaur egun, esaterako, ez dugu plastikozko jogurt ontzirik erabiltzen, eta azukre kopurua ikaragarri murriztu dugu.

irudia
irudia

Ikastolan garrantzia handia ematen diogu gure ikasleen elikadurari, hau dela eta, menuak prestatzeko era zaindu egiten dugu. Horrela, produktuak egunean bertan prestatzen ditugu, eta hau guztia aurrera eramateko ezinbestekoa izan da arestian aipatutako gure sukaldean eta jantokian aldaketa orokorra egitea. Orain ditugun tresna berrituei esker, sukaldatzeko era ere asko aldatu da, frijituak kendu eta labean prestatutako menuak dira nagusi.

© ARESKETA IKASTOLA

Eskubide guztiak bere esku

Aresketa auzoa, 2 - 01470 Amurrio
E. aresketaikastola@aresketaikastola.eus | T. 945 890 360 | Ordutegia: 08:30 - 18:00
  • Ikastolen Elkartea
  • Araba Euskaraz
  • Herri Kooperatiba