Orbelean bizitza egon badago!

Gure begiekin ikusten duguna baino haratago doa basoetako bizitza. Arestian aipatu bezala, udazkeneko lehen euriteek eta haizeteek zuhaitzetatik erorarazitako hostoak, denboraren poderioz, orbel bihurtzen dira. Eta orbelean bizitza dago!. Orbelean dagoen bizitza hori aztertzeko aitzakiaz, “Muskerrak” taldeko Maider Iglesias, biologoa eta Aresketa Ikastolako ikasle ohia gonbidatu genuen, LH 4. mailako haurrei ekosistemen garrantzia azaltzeko eta baso naturalaren  eta landatuaren artean bereizteko, bioaniztasuna askoz aberatsago baita baso naturaletan. Tailler hau  Amurrioko Udaleko Ingurumen Sailari esker antolatu ahal izan da.