Sorrera. Lehendabiziko klaseak Amurrioko Mendiko Lagunak mendi taldearen aretoetan ematen hasi ginen.

Hemendik aurrefabrikatu batzuetara pasa ginen: lehendabizi Amurrioko AEKk erabili zituenekoetara eta gero garai hartako hilerriaren ondora.

Herriko beste erakunde eta ikastetxeekin elkarlanean, Araba Euskaraz jaia antolatzen du Amurrioko Ikastolak lehenbizikoz.

Eraikin duin bat lortzeko asmoz “Adreiluaren martxa” kanpaina abian jarri genuen. Irakasleak, gurasoak eta ikasleak, Amurrioko herritar askoren laguntzaz, mobilizatu ziren.

1990. urtean

Adreiluaren martxari esker eraikin berria lortu eta Amurrioko Ikastola Aresketa auzoan kokatu zen. Hortik datorkigu izen aldaketa. Hala ere, Haur Hezkuntzako umeek oraindik hilerri ondoko aurrefabrikatutako areto zaharretan segitzen zuten.

Aresketa Ikastolak, herrian aitzindaria izanik, "Kili-Kolo" izeneko 2 urteko gela sortzen du,

LH eta DBHko gelen hazkuntza dela eta, eraikuntza txiki gelditu zen. Urte horretan, gure bigarren Araba Euskaraz antolatu genuen, eraikuntzaren handitzeari ekin ahal izateko.

"Tantaka" izeneko haurtzaindegia kudeatzeko gure  0-2 urte proiektua Amurrioko Udalak egindako lizitazioan aurkezteko prestatu eta garaile atera zen, adin tarte honetarako ere proeiktu aitzindaria izanik Amurrion.

Elurte baten ondorioz eraikinean zegoen arriskua zela eta, Haur Hezkuntzako aurrefrabrikatuak utzi behar izan genituen. Guraso eta ikastolako langileak auzolanean jardun eta Aresketa ikastolako erakinean bertokatu genituen ikasleak, bertoko hainbat zerbitzu galduz.

Gure ikasleentzat atsedenaldirako eremu estaliak finantzatzeko xede, gure hirugarren Araba Euskaraz antolatu genuen.

Eremu eta instalazio berriak eraikitzen jarraitu ahal izateko, laugarren Araba Euskaraz antolatzeari ekin genion.

Haur Hezkuntzarako metodologia berriaren ezarpena. Espazioak berregokitzeko asmoz lanei ekin eta bi hilabetean egundoko obra burutu genuen. Proiektuak aurrera darrai!

2020ko ekainean ospatu behar izan genuen gure laugarren Araba Euskaraz. Covis-19 birusak sortutako pandemiak galarazi zuen, pandemiako baldintzak leuntzen ari zirela ospakizun xumeren bat edo beste antolatu ahal bagenuen ere.

Egun berezia eta handia urriaren 19koa! 2024. urtean, Ikastolako lehenengo promozioko ikasleen 50. urtebetetzea ospatu genuen bazkari goxo baten bueltan, 500 lagun baino gehiago bilduz.