Skip to main content

Pobreziari amaiera emateko, planeta babesteko eta mundu osoko pertsona guztien bizitza eta etorkizuna hobetzeko ditu xedeak Agenda 2030ek. 2015. urtean, Nazio Batuetako estatu kide guztiek 17 Helburu onartu zituzten, Garapen Jasangarrirako 2030 Agendaren barnean kokatuta.

Zer da Eskola Agenda 2030?

Jasangarritasunaren kultura hezkuntza-komunitateetan eta, batez ere, ikasleengan integratzeko eta zabaltzeko hezkuntza-programa bat da.

Ingurumen Hezkuntzako programa gisa, Ingurumen arazoak konpontzen aktiboki parte hartzeko beharrezkoak diren motibazioa, ezagutzak, konpetentziak, jarrerak eta konpromisoak garatzea du helburu.

Ezaugarriak:

  • Jasangarritasunaren kultura sustatzen du ikastolan, Agenda 2030en GJHen esparruan.
  • Hezkuntza-komunitatearen parte-hartzea bultzatzen du, gure ikasleen protagonismoa eta ahalduntzea ardatz eta oinarri hartuta.
  • Ikasleen jasangarritasuneranzko konpetentzia eta irakasleen jasangarritasuneranzko irakaskuntza-konpetentzia sustatzen ditu.
  • Hiru eremu-maila hartzen ditu: eskola-komunitatearena, udalarena edo eskualdearena eta komunitate globalarena