Irudia
Txemi Llano izan dugu aurten Aresjaiako pregolaria. Berriki, haren bideo bat saritua suertatu da eta lan horretan ikastolako ikasleak protagonistak izan dira. Eskainitako laguntza eskertzeaz gain bideoaren mamiaz ere hitz egin zigun: bakeaz.
Pregoia eta gero suziriaren hotsak eta keak festari ireki zioten atea: DBH 4. mailetako ikasleen agurra, dantzaldiak, puzgarriak, duatloia, era askotako tailerrak, buruhandiak eta ikaskideon arteko bazkaria goizeko osagaiak izan ziren. Arratsaldean, aldiz, gurasoen txandan, euskal zein bestelako dantzez gain, mokadu baten bueltan berriketan elkarrekin egoteko tartea.
